– Selektivnim zakonom koji Vlada predlaže se ne može oduzeti imovina skrivena u ofšor firmama, zato se protivimo njegovom usvajanju, a premijer nas optužuje da tako pomažemo organizovanom kriminalu. Zašto je premijeru Dritanu Abazoviću meta NVO MANS, a ne nezakonito stečena imovina skrivena u inostranstvu – upitali su iz MANS-a.
Podsjetili su na neke primjere poslovanja preko off shore firmi.
– Da ga podsjetimo na samo par primjera gdje smo ,,štitili” funkcionere i kriminalce otkrivajući njihove poslove preko off shore firmi: Victoria Trust i Vagor Investment Limited – Mila Đukanovića, Capecastel Trust, Resilton Investments i Victoria Bridge Finance – Blaža Đukanovića, Anagusta – Branislava Brana Mićunovića, Nummerico Trade, Miloša Marovića, Lafino Trade – Darka i Duška Šarića, Comsel Limited – Duška Kneževića, Caldero Trading Limited – Zorana Ćoća Bećirovića – naveli su iz MANS-a.
Kako su istakli, ni u jednom od ovih slučajeva, imovina koje posjeduju ove firme ne bi bila dovedena u pitanje po zakonu koji predlaže Vlada.
(Izvor:Agencije)
